Dîroka Kevn a Kurdistanê – History of Kurdistan

Mele Mehmûdê Bazîdî (1797-1868) yekem rewşenbîr û zanayê kurd e ku di sedsala 19an de, di hemû danûstandin û xebatên xwe de tenê zimanê kurdî bi kar aniye.
Wî gelek berhem nivîsandine yan ew wergerandine bo kurdî.
Xebata wî di warê amadekirina rêziman û hin pirsgirêkên ziman û alfabeya kurdî de jî çêbûye.
Bazîdî di van xebatên xwe de nexwestiye navê xwe yê rastî bi kar bîne.
Wî navên wek “Mehmûd Efendî, Hacî Mehmûd Efendî û Feqîr Mehmûd Efendî” bi kar aniye.
Gelek caran jî, wek A. Jaba bixwe dibêje, qet nav bi kar neaniye.
Hemû berhemên ji aliyê Mele Mehmûdê Bazîdî ve hatine berhevkirin, nivîsandin û wergerandin, niha di Kitêbxaneya Akademiya Zanistî ya Petersburgê de û hinek jî li Fransayê ne.